معجب فهد القوس:
وين الرجال الي تحكر الطواريق
ياليتنا ناخذ معاهم دقايق
الحر ميكاره بروس الشواهيق
ياكر ويرقا بالجبال الشهايق

الشاعر فالح الكريزي البقمي:
لابد تلقى لك رجال مطاليق. تاخد وتعطى في جميع الطرايق. الحر دايم حر مافيه تبريق. يامعجب العالم تعرف الحقايق.

معجب فهد القوس:
فالح من الكرزان والا المرازيق
شاعر ولا اخبرله فعولن سبايق
لو ميزو بيني وبينك بتدقيق
يالقون يافالح جميع الفرايق

الشاعر فالح الكريزي البقمي:
اسمي يعرفونه جميع المخاليق. وفعل الكريزي في جميع الوثايق. والا انت لو حققت ف الوضع تحقيق. اسمك مع الشعار ماهوب لايق

معجب فهد القوس:
ياربع ياجمهور من دون تعليق
فالح يقول الزور قدم الخلايق
انا حفظت الشعر بين المعاليق
ولا انت قد عذبك قبل ابن شايق

الشاعر فالح الكريزي البقمي:
فالح موثق كل ماقال توثيق. لاهوب لاسارق ولاهوب بايق. شعري معدي بالجبال الشواهيق. والا انت شعرك بس لاصرت رايق.

معجب فهد القوس:
لو نكشف الخافي بوسط الصناديق
اغلبكم اشريطي وشاوي وسايق
الوضع يافالح يبي معك تنسيق
حتا تعود مالعبتنا حرايق

الشاعر فالح الكريزي البقمي:
لو نكشف الخافي تبين التلافيق. تصبح رجالاً مع رجلاً علايق. انكان تبغانا نعشق تعاشيق. خلك مع الاصحاب صاحي وفايق.

معجب فهد القوس:
امصدقن قولي مع الخلق تصديق
واضح سوات الشمس من دون عايق
انا معشق قبل والحض توفيق
وسريت من عندق بوضحن حقايق

الشاعر فالح الكريزي البقمي:
ابيوت شعري وقعت بالمعاليق. ياللي ورى الباب الموالي تهايق. عشق لنفسك ليل والا على الرايق. منته لضدات الرياجيل طايق

معجب فهد القوس:
صدري من الكرزان مايقبل الضيق
ولاني من الكرزان ياناس ضايق
وياشاعرن يطلق من الشعر تطليق
منته من الخولان شارب وذايق

خاص (مجالس الشعراء )
8/11/1435